Ginapadasig na sang Department of Agriculture (DA) ang pagtinguha agud ma-revive ang swine industry nga tuman nga naapektuhan sang African Swine Fever (ASF).
Suno sa DA, paagi sa expanded repopulation program, maga-procure ini sang 32,000 ka mga babaye nga idik.
Ini nga inisyatibo ang ginapangunahan sang National Livestock Program (NLP) paagi sa Bureau of Animal Industry (BAI).
Ang inisyatibo kabahin sang mas masangkad nga estratehiya agud buhion ang national swine population sa pre-ASF level sini nga 13 million heads.
Partikular nga target sang DA ang dugang nga six million ka mga baboy pag-abot sang 2028.
Suno kay Agriculture Secretary Francisco Tiu Laurel Jr., kinahanglan maka-produce sang at least one million ka mga baboy subong nga tuig agud ma-stabilize ang supply, mahagan-hagan ang pagsalig sa imports, kag malab-ot ang handom ni President Ferdinand Marcos Jr. nga isa ka food-secure nga Pilipinas nga may mapag-on nga lokal nga produksyon.
Ang National Livestock Program (NLP) may yara sang P1.6 billion nga pondo para sa sini nga programa.
 ang pagtinguha agud ma-revive ang swine industry nga tuman nga naapektuhan sang ASF.){kind=link}