𝗜𝗟𝗢𝗜𝗟𝗢 – Nagpatuman sang programa ang Department of Agriculture Western Visayas (DA-WV) para sa recovery sa epekto sang African Swine Fever (ASF).
Ini ang kasunod man sang pag-igo sang ASF sa Iloilo Province sa 4th quarter sang 2022 tubtob naglapta sa bug-os nga Western Visayas.
Nagresulta naman ini sa pagkalamatay sang mga baboy sa rehiyon kag pagsaka sang presyo sang baboy bangud sa kakulang sang suplay.
Agud makabangon liwat ang rehiyon sa epekto sang ASF, nagpatuman ang ahensya sang Integrated National Swine Production Initiative for Recovery and Expansion (INSPIRE) Program.
Sa interview sang Bombo Radyo Iloilo kay DA Livestock Coordinator and Focal Person for NLP INSPIRE, Region 6 Glenn L. Mariano, iya ginpahayag nga sa Iloilo Province pa lang, may yara na sang 70% nga pagnubo sa populasyon sang baboy.
Katuyuan sang INSPIRE Program nga mapadasig ang repopulation kag recovery sang hog industry agud mapasigurado ang availability, accessibility and affordability sang pork products.
