HONG KONG – Nagnubo na ang na record nga daily COVID-19 cases sa Hong Kong.
Suno kay Bombo International Correspondent Marie Jean Zamora, kun sadto, masobra sa 100 ang daily COVID-19 cases apang sa subong, yara lamang sa masobra 20 ang na record sa tagsa ka adlaw.
Ginpahayag ni Zamora nga ang pagsuksok sang face mask lamang ang mandatory lakip na diri ang pagsunod sa physical distancing kun sa diin nagalab-ot sa 2,000 Hong Kong dollars ukon kapin sa P13,000 ang multa.
Ginapahangutan ang pagsulod sang mga turista apang ini ang limitado lamang sa mga may yara sang negatibo nga resulta sang COVID-19 test.
Bukas ang mga kalan-an kag iban pa nga balaligyaan apang 50% capacity lamang ang ginapasulod samtang ang mga dalagku nga tourist attraction ang temporaryo nga ginpasirado.
Padayon ang byahe sang transportasyon kag ang klase ang ginapaagi sa online, depende sa curriculum samtang ginadumili-an sa gihapon ang mass gatherings.
Sa subong, ang Hong Kong ang may 4,658 ka total COVID-19 cases, 3,900 ang naka-recover kag 76 ang ginbawi-an sang kabuhi.
