Masami nga problema sang kababaihan amo ang nagapabalik-balik kag madasig magdamo nga acne ukon mga pimples.
Ang aton nga guya, ilong kag agtang ang masami nga gina tubuan sang pimples.
May yara bala ini sang kahilabtanan sa imo nga ikaayong lawas ukon naga hatag bala ini sang mensahe nga may yara sang problema ang imo lawas kapin pa kun ini ang nagapa balik-balik sa pareho lang nga parti sang lawas?
Suno kay Dr. Stephanie Sy-Chua, isa ka dermatologist sa Philippine Dermatological Society, wala sang insakto nga scientific basis sa acne face mapping ukon ang masami nga pagtubo sang pimples sa pareho nga parte sang imo guya.
Ang parte sang imo guya kun diin masami nga naga tubo ang pimples ang nagakadapat lang nga mangin malimpyo paagi sa paghilam-os kag paggamit sang tama ka maisog nga habon ukon facial wash.
Dugang pa ni Sy-Chua ang pagkaon kag pag-inom sang dairy products kaangay sang gatas ang maka cause sang acne.
Nagpanugyan si Sy-Chua nga mas maayo nga magbisita sa imo dermatologist agud mahatagan sang insakto nga advice kag consultation bangud suno sa iya “There’s no guaranteed improvement without proper treatment”.
