Ginalantaw sang Department of Agriculture (DA) nga daku gid ang iganubo sa presyo sang bugas sa Enero 2025 bangud sa pagbuhin sa taripa sa imported rice.
“But since demand for food usually spikes in December, we anticipate seeing a more substantial drop in rice prices by January,” pahayag ni Agriculture Secretary Francisco Tiu Laurel Jr.
Una na nga gin-project sang economic managers ang P5-P7 per kilogram nga pagnubo sa rice retail prices bangud sa tariff reduction halin sa 35 percent pa-15 percent sa idalom sang Executive Order No. 62.
Pahayag pa ni Tiu Laurel, Oktubre pa lang, mahimo na mabatyagan sang publiko ang amat-amat nga pagnubo sa presyo.
Lakip man sa ginpasalig sang natungdan amo ang pag-monitor sa ikaayo sang mga local nga mangunguma samtang nagahilapit na ang wet harvest season.
