MANILA – Igadonar ni 8-Division World Champion Manny Pacquiao ang premyo sa away niya batok sa Irish mixed martial arts star nga si Conor McGregor sa masunod nga tuig.
Suno kay Jayke Joson, special assistant si Pacquiao, daku nga porsyento ang igadonar sang fighting senator para sa COVID-19 victims.
Ginpahayag ni Joson nga sa subong, indi maluyag si Pacquiao nga mangin hot topic ang iya masunod nga away bangud nga may yara sang pandemya.
Sa baylo nga mangin sentro sang atensyon sang publiko, ginpahayag ni Joson nga ginatutukan ni Pacquiao ang paghatag sang bulig sa mga nagakinahanglan.
Nauna nga ginpahayag ni Sean Gibbons, presidente sang Manny Pacquiao Promotions, nga ang away sa tunga sang eight-division world champion kag sang Irish mixed martial arts star ang mangin “tremendous global event” kag ginapahayag nga ini ang patigayunon sa middle east.
