Nasapwan nga wala na sang kabuhi kag ginapatihan nga ginhimuslan ang isa ka dalaga sa sulod sang iya kwarto sa ila balay sa Brgy. Ingay, Tubungan, Iloilo.
Ang biktima amo si alyas Jeje, 18-anyos.
Base sa panaysayon ni Ferenie Tabanda,utod sang biktima, iya ginpahayag nga ang iloy mismo nila ang nakasapo sa lawas sang dalaga nga wala na sang kabuhi.
Suno sa iya, natingala ang ila iloy nga humalin sang Lunes sang gab-i tubtob sang Martes sang hapon, wala nakagwa sa kwarto ang biktima.
Ginlantaw sang iloy paagi sa bintana ang dalaga apang wala gid ini nagahulag gani napilitan siya nga magsulod sa kwarto paagi sa pagtaklas sa bintana.
Didto niya ginkakibot nga mayami na nga bangkay ang dalaga samtang yara ini nagakaya sa salog kag may yara sang habol.
May hanog sa mata kag wala sang pang-idalom nga panapton ang dalaga gani duda ang pamilya nga ginhimuslan ini.
Nahibaluan nga bag-o lang naka-graduate sa Senior High School sa Tubungan National High School ang biktima.
Ang amay sini ang nagatrabaho sa New Zealand kag napahibalo na tuhoy sa natabo sa iya bata.
Desidido ang pamilya nga ipaidalom sa autopsy ang dalaga.
