ILOILO CITY- May yara sang magaupdanay kag may yara sang mabayaan sa 2022 elections.
Ini ang posibilidad nga ginalantaw ni anay Iloilo Governor Arthur Defensor Sr.
Sa interview sang Bombo Radyo sa anay gobernador, iya ginpahayag nga ang mga magkasumpong sadto, mahimo nga mangin magkaalyado na subong.
Suno kay Defensor, wala sang imposible sa pulitika.
Pahayag niya, sa subong wala pa sang maathag nga scenario sa mangin dalagan sang pulitika sa probinsya, apang sa Abril 2021, posible nga may ideya na ang publiko kun sin-o ang magaapinay.
