ILOILO CITY – Nangin light to moderate ang dalagan sang trapiko subong nga gab-i sa Sen. Benigno Aquino Jr. Avenue, Mandurriao, Iloilo City kadungan sang pag-umpisa na sang pagpatuman sang Traffic Discipline Zone.
Nasaksihan mismo sang Bombo News Team nga may yara sang mga police personnel nga nagalibot agud magpangsaway sa mga traffic violator.
Magluwas diri, may yara man sang traffic personnel ilabi na malapit sa Smallville Complex sa diin nahamtang ang mga ilimnan kag may yara man sang may nagabantay ilabi na sa mga pedestrian lane agud nga magiyahan ang mga nagatabok.
Ginapagamit naman ang overpass sa Diversion Road agud nga malikawan na ang pagtabok sa bisan diin lang nga bahin sang karsada.
Nahibalu-an nga pagkatapos pa sang Diunagyang Festival 2020 maga-umpisa sa pagpangdakop ang Public Safety and Transportation and Management Office kaupod ang Composite Team apang ila istriktuhan ang pagpangsaway sa mga nagalapas sa traffic rules and regulations.
