ILOILO CITY – Nag-amat-amat na improve ang sitwasyon sang trapiko sa Ungka flyover base sa assessment sang Iloilo City Public Safety and Transportation Management Office.
Sa interview sang Bombo Radyo kay Mr. Jeck Conlu, ang head sang Public Safety and Transportation Management Office, iya ginpahayag nga ini ang epekto na sang bag-o nga traffic scheme nga ginpatuman sa lugar.
Sa amo nga scheme, mahimo nga mag u-turn sa C1 Road pagkatapos sang taytay kag bukas ang intersection padulong sa Pavia.
Bukas man ang C1 Road sa Hibao-an lusot sa C1 Road sa Barangay Tacas, Jaro.
Indi naman mahimo nga mag-left turn halin sa Pavia padulong sa Barangay Tacas, Jaro.
Suno pa kay Conlu, ang isa man sa rason nga wala nagpugok ang trapiko apisar rush hour amo ang pagsugod na sang Christmas break sang mga estudyante.
May yara naman sang may nagabantay nga traffic personnel nagikan sa syudad sang Iloilo kag sa banwa sang Pavia.
