Patay ang isa ka dalagita matapos ginapahayag naghikog sa Barangay Esperanza, Iloilo City Proper.
Ang biktima amo si alyas Jasmine, 15, kag residente sang nasambit nga lugar.
Sa interview sang Bombo Radyo kay Zeus Rivera, kasilingan sang biktima, iya ginpahayag nga nasapwan na lang sang manghod nga may special needs ang iya magulang nga si alyas Jasmine nga nakabitay nga wala na sang kabuhi.
Matapos sini, gindala man sa ospital ang manghod sang biktima nga isa ka special child bangud sa tuman ka kibot sa diin nakitaan nga may pilas pa ini sa ulo.
Suno kay Rivera, wala pa matumod kun ano ang posible gin-ugatan sang ginapahayag pagpanghikog nga natabo.
Ginapahayag nga yara sa presuhan ang amay sang biktima kag yara naman sa luwas sang pungsod ang iloy.
