ILOILO CITY- Nag-angkon sang first degree burn sa pila ka parti sang lawas ang isa 17-anyos nga dalagita matapos nasunog ang iya bayo sa isa ka aktibidad sang mga pamatan-on sa Estancia, Iloilo.
Suno kay Police Lt. Joebert Amado sang Estancia Municipal Police Station, may culminating activity ang Pag -asa Youth Association of the Philippines sa plaza sang amo nga banwa.
Suno kay Amado, nagapreparar sang ila costume ang mga contestants sa event sang ginsindihan sang kaupdanan sang biktima ang glue stick apang bangud nga human sa light materials ang costume, madasig ini nga nagkalayo.
Nasunog gid ang kamot, porsyon sang tiyan, likod kag tiil sang dalagita kag padayon pa subong nga ginabulong sa ospital.
