Wala gid natabangan ang isa ka 17-anyos nga dalagita matapos ginlampusan sang tubo kag ginkastigo sang iya amay sa Brgy. Rizal, Sagay City, Negros Occidental.
Ang biktima amo si alyas “Michelle” samtang ang suspek naman amo si alyas “Greg”, 49-anyos.
Suno sa imbestigasyon, nagapangayo sang tabang ang biktima apang ginkandaduhan sang suspek ang pwertahan rason nga wala nakasulod ang mga kaingod-balat agud buligan ang biktima.
Sang nagresponde ang kapulisan, wala na sang pangalibutan kag duguon ang dalagita gani gindala ini sa ospital apang ginbawian gid sang kabuhi.
Ginapatihan nga nagsuprir sang depresyon ang suspek bangud suno sa mga nakakilala sa iya, pila ka adlaw na ini nga wala nagatulog kag indi mapahamtang.
