ILOILO CITY- Patay ang isa ka dalagita matapos nabungguan sang isa ka wing van sa Sitio Tuburan, Brgy. Acuit, Barotac Nuevo, Iloilo.
Ang biktima nagaedad sang 14 anyos samtang ang driver sang wing van amo si Ronnie Toledo, 32, residente sang Brgy. Dugman, San Dionisio, Iloilo.
Sa interview sang Bombo Radyo kay PLt Cedrick Cruz, hepe sang Barotac Nuevo Municipal Police Station, iya ginpahayag nga halin sa Iloilo City ang wing van kag sang yara na ini sa area, hinali lang nga nagdalagan patabok sa dalan ang dalagita kag wala na nakapreno ang driver kag nalab-ot ang biktima.
Suno kay Cruz, gindala pa sa ospital ang biktima apang ginbawian gid sang kabuhi bangud sa patal nga pilas sa ulo.
Nagsungka naman sa Barotac Nuevo Municipal Police Station ang driver.
