Patay ang isa ka 14-anyos nga dalagita matapos maigo sang nagtalanga nga bala sa Iligan City.
Suno sa impormasyon, nagresponde ang pulis sa lugar sang dalagita bangud ginlagas ini sang binangon sang iya 52-anyos nga tiyo.
Antes ang insidente, hubog ang suspek tubtob nga nakit-an sang mga tawo nga ginalagas sini sang binangon ang dalagita.
Sang nagresponde ang mga pulis, sa baylo nga mag-untat, padayon nga nag-amok ang suspek kag gintuyo nga labuon ang isa ka pulis.
Bangud sini, napilitan nga magpalupok ang pulis kag naigo ang suspek.
Apang, aksidente man nga naigo sang bala sa dughan ang dalagita.
Gindala pa sa ospital ang mga ini apang gindeklarar nga dead on arrival.
