ILOILO CITY – Balantayan ang mas dalagko nga papremyo sa ika-50 nga tuig nga pagselebrar sang Iloilo Paraw Regatta Festival subong nga tuig.
Sa interview sang Bombo Radyo kay John Lex Bayombong, chairperson sang Paraw Regatta Festival, iya ginpahayag nga gina-finalize na ang premyo apang suno sa iya, mas dako ini kun ikumpara sang mga nagliligad nga tuig.
Suno pa sa natungdan, libre lamang ang paglantaw sa mga events apang sa mga magapasakup ilabi na sa Paraw Regatta race sailing, may yara lang sang gamay nga registration fee.
Nahibaluan nga sa pagbalik sang face-to-face Iloilo Paraw Regatta Festival, balantayan man ang pagbalik sang Lechon festival.
Magluwas sa lechon festival, balantayan man ang Paraw Photo Contest, Miniature Paraw Making Contest, Pinta sa Paraw Mural Making Contest, Paraw Job Fair, Slalom Race, Pinta Layag, Beach Volleyball, Sinamba de Regatta, Pinta Tawo, kag Lighted Paraw Contest.
Magasugod ang Iloilo Paraw Regatta Festival sa Marso 12 kag magalawig tubtub sa Marso 19.
