ILOILO CITY–Indi maagyan ang dalan sa Brgy. Igpigus, Igbaras, Iloilo matapos natiphag ang bukid sa nasambit nga lugar.
Sa interview sang Bombo Radyo kay Brgy. Kagawad Joey Estardo sang nasambit nga lugar, kapin sa 20 ka ektarya nga bukid ang natiphag sa dalan nga naga-angot sa Igbaras kag Tubungan.
Dugang pa ni Estardo, wala sang untat ang pagbubo sang ulan sang mga tinalikdan nga adlaw rason nga naghumok ang duta.
Bag-o pa man natabo ang landslide, nabati-an pa sang mga pumuluyo nga kasubong nga may linupok sa lugar bangud sa pagkatumba sang mga kahoy.
Sa paglantaw sang barangay kagawad, kinahanglan gid nga kaayuhon ang karsada sa ila lugar.