Nagbubo ang pagpanginbulahan sa Dallas Mavericks matapos nag-champion sa Western Conference Finals.
Ini matapos ginlutos sang Mavericks ang Minnesota Timberwolves sa game 5 sang hampang sa score nga 124-103.
Natapos naman ang serye sa 4-1 pabor sa Mavericks.
Nangin dako nga lyabe sa kadalag-an sang Mavericks ang tag 36 points nanday Luka Dončić kag Kyrie Irving.
Ini ang gindugangan man sang 12 points ni P.J. Washington kag 11 points ni Daniel Gafford.
Bangud sa nasambit nga kadalag-an, sulod na ang Mavericks sa Finals sang National Basketball Association.
Maatubang naman nila ang Boston Celtics nga amo ang champion sa Eastern Conference Finals.
