Dangerous Drugs Board sa kada barangay sa Iloilo City, ginduso sang alkalde

ILOILO CITY – Ginduso ni Iloilo City Mayor Jed Patrick Mabilog ang pagtukod sang Local Dangerous Drugs Board sa kada barangay sa siyudad.
Ginpahayag sa Bombo Radyo Iloilo ni City Councilor Armand Parcon nga ginhingyo sang alkalde sa Sangguniang Panlungsod ang pagtukod sang Dangerous Drugs Board.
Ini ang magatutok sa kampanya sang city government sa pagtapna sang iligal nga droga.
Ang Dangerous Drugs Board man ang magadumala sa rehabilitasyon sang mga drug surrenderees.
Nahibaluan nga ang Iloilo ang masami ginatawag ni Presidente Rodrigo Duterte nga “most shabulized city” kag “bedrock of drugs”.