Gin-ako sang aktres kag host nga si Karla Estrada nga nagaka-stress ang iya anak nga si Daniel Padilla bangud sa pagpadalagan nila ni Rommel Padilla sa politika.
Suno kay Karla, nagalikaw sa istorya-politika ang iya nga anak apang nakahibalo siya nga 100% ang suporta sa ila ni Daniel.
Pahayag pa niya, wala man nagakontra si Daniel sa ila nangin desisyon ni Rommel kag ang importante lamang suno sa iya anak amo nga malipayon ang iya mga ginikanan.
Nahibaluan nga nag-file sang certificate of candidacy si Karla bilang third nominee sang Tingog — party-list nga ginapangunahan ni Rep. Yedda Romualdez.
Samtang ang amay ni Daniel nga si Rommel ang nag-file man sang kandidatura sa pagka-congressman sa first district sang Nueva Ecija.
