DAR employee, preso matapos manghurikap sang estudyante sa CR sang mall sa Iloilo City

ILOILO CITY – Napreso ang isa ka empleyado sang Department of Agrarian Reform sa Iloilo matapos ginhurikap ang isa ka estudyante sa sulod sang comfort room sang isa ka mall sa Jaro, Iloilo City.
Ginkilala lang ang Agrarian Reform officer kay alyas Oliver, 42, residente sang Railway Street, La Paz, Iloilo City samtang ang college student amo si alyas Martin, 20, sang Magsaysay, La Paz, Iloilo City.
Ginpahayag sa Bombo Radyo Iloilo ni PO3 Romareco Baron Jr., imbestigador sang Jaro Police Station, samtang nagapangihi ang biktima, nagsulod man sa comfort room si Oliver kag gintulok ang kinatawo sang biktima sang pila ka beses.
Wala na makapugong ang suspek kag ginhurikap ang kinatawo sang estudyante apang pus-on ang nauyatan sini nga ginkakibot naman ni alyas Martin.
Suno sa pulis, determinado ang pamilya sang estudyante nga mag-file sang kaso batok sa amo nga government employee.