Nagpabutyag sang bug-os nga suporta ang Department of Agrarian Reform (DAR) sa pagpatuman sang Executive Order No. 100 kag Executive Order No. 101 nga ginpirmahan ni Presidente Ferdinand Marcos Jr.
Suno sa ahensya, daku ang mabulig sang mga amo nga mando sa pagpabakod sang kabuhi kag pangabuhian sang mga agrarian reform beneficiaries (ARBs).
Ginpahayag sang DAR nga pinaagi sa EO 100 kag EO 101, posible nga makabaton ang mga ARB sang mas maayo nga presyo sa ila mga humay kag iban pa nga produkto sa agrikultura, nga makabulig sa pagtaas sang ila kita.
Dugang pa, makaangkon man sila sang mas madamo nga oportunidad agud direkta nga makabaligya sang ila mga produkto sa mga ahensya sang gobyerno kag sa mga local government units (LGUs).
