Target sang Department of Agrarian Reform ukon DAR-Western Visayas nga makapanagtag sang individual land titles sa 25,237 agrarian reform beneficiaries sa rehiyon.
Suno kay DAR-Western Visayas acting Regional Director Anthony Arostique, sakop sini ang ginabanta 40,000 ektarya sang agricultural land bilang kabahin sang 89,000-hectare nga target sang rehiyon nga makumpleto tubtob December 2028.
Patigayunon ini sa idalom sang Support to Parcelization of Lands for Individual Titling ukon SPLIT Project, nga suportado ng World Bank.
katuyuan sang proyekto nga tungaon ang collective land titles ukon Collective Certificates of Land Ownership Award (CCLOAs) kag himuon nga individual electronic land titles ang mga ini.
Sa 2026, yara sa 2,746 CCLOAs ang target nga maparehistro kag mahatag sa mga benepisyaryo.
Pinakadako ang bahin sang Iloilo nga may 14,199 ektarya para sa 10,517 beneficiaries, ginasundan sang Antique nga may 12,394 ektarya para sa 5,647 beneficiaries, Capiz nga may 6,951 ektarya para sa 4,951 beneficiaries, Aklan nga may 3,338 ektarya para sa 2,477 beneficiaries, kag Guimaras nga may 2,117 ektarya para sa 1,645 beneficiaries.
Suno sa DAR, yara sa 90 porsyento na sang mga target nga landholding sa rehiyon ang nagpaidalom na sa field validation, samtang ang nabilin nga target para sa 2027 kag 2028 ang magakompleto sa 89,000 ektarya nga obligasyon sang rehiyon.
