Nagpahanumdom ang COVID-19 team sang Iloilo City Government sa publiko nga i-obserba gid ang pagsunod sa tanan nga health protocols sa adlaw sang Valentines’s day sa Lunes, Pebrero 14.
Sa interview sang Bombo Radyo kay Mr. Jeck Conlu, spokesperson sang COVID-19 team sang syudad, iya ginpahayag nga magadeploy sila sang personnel sa pila ka mga lugar sa syudad ilabi na sa mga dating sites kasubong sa Iloilo Esplanade sa adlaw sang tagipusuon, agud mapasiguro nga indi malapas ang tanan nga pagsulundan ilabi na nga napaidalom sa gihapon sa alert level 3 ang Iloilo City.
Suno kay Conlu, may mga katapo man sang gobyerno nga maga-monitor sa tanan nga inns, motels kag hotels.
Dugang pa sang natungdan, nagakadapat man nga likawan sang mga couples ang public display of affection ukon PDA agud malikawan man ang pagtimbuok sang COVID-19 cases.
