Imbestigaran sang Davao City Council ang ginaalegar nga paglapas sa laye nga nakumiter sang kapulisan sa ila operasyon sa Kingdom of Jesus Christ (KOJC) compound.
Ginpanawagan man sang konseho sa Interior Department nga lantawon ang posible mga constitutional rights nga nalapas sang kapulisan batok sa mga myembro sang religious group.
Kasunod naman sang pagkaaresto kay Pastor Apollo Quiboloy kag apat ka iban pa nga co-accused, nagbalik na sa ila mother units ang Davao police forces.
Sa pihak sini, ginsiling sang regional police nga preparado ini nga ipatawag ang mga personnel kun kinahanglan nila nga mag-atubang sa korte sa possible kaso nga ipasaka sang KOJC members.
Samtang, ginatun-an man sang mga members sang PNP ang pagpasaka sang panumbungon batok sa mga sumulunod ni Quiboloy.
Ginpahayag naman sang Davao police nga handa sila nga mag – assist sa rescue missions para sa mga indibidwal nga may himata sa sulod sang KOJC compound.
