Nadugangan sang 19 ang COVID-19 Delta variant cases sa Antique.
Sa interview sang Bombo Radyo kay Antique Governor Rhodora Cadiao, iya ginpahayag nga Hulyo 5 sang sini nga tuig, sang ginpadala sa Philippine Genome Center ang indi magnubo sa 500 ka random specimen.
”These are new swab nga gin-submit sang probinsya for genome sequencing. And out of that nakakita sila sang 19.”
Suno kay Cadiao, bangud halos isa ka bulan na ang nagligad antes nagwa ang resulta sang sequencing, lunsay nakarekober na subong ang 19 nga natapikan sang mas makalalaton nga variant sang virus.
Dugang pa sang gobernadora, bangud sa peligro nga dala sang variant of concern, apisar napaidalom sa General Community Quarantine (GCQ) ang status sang Antique, daw kaangay man sa Enhanced Community Qurantine ang ila pagpatuman sang istrikto nga health protocols.
”We are on a GCQ heightened alert, but our style para lang nga indi man kita maging complacent, daw ECQ man kami di sa Antique.”
Sa subong pahayag niya, istrikto nga ginapatuman ang border control kag may ginapatigayon nga house to house COVID-19 vaccination.
