Kaangay nga nalab-ot gid sang pamilya ni Irish Magno ang langit matapos nga nakuha sang Ilongga boxer ang kadalag-an batok sa Kenyan nga si Christine Ongare sa Round of 32 sang Women’s Flyweight division sa 2020 Tokyo Olympics.
Sa exclusive interview sang Bombo Radyo kay Eva Magno, iloy ni Irish, iya ginpahayag nga naghugyaw gid sila sa kalipay sang gindeklarar nga nagdaog ang iya anak via unanimous decision sa score nga 5-0 sa diin maka-abante na ini sa Round 16 sa Hulyo 29.
Suno sa iloy, ginpamatian gid sang Diyos ang ila nga pangamuyo kag nahibal-an gid sang mahal nga makaako ang ila ginahandom.
Samtang, suno naman sa amay sang Ilongga boxer, ihawon gid niya ang de rasa nga manok sang manghod ni Irish bilang selebrasyon sa kadalag-an sini.
Sa interview sang Bombo Radyo kay Rodrigo Magno, iya ginpahayag nga proud gid siya para sa iya anak.
Nagalaom man siya nga mangin tayuyon na ang kadalag-an sang Ilongga boxer agud maangkon sini ang isa sa dalagko nga medalya sa Olympic.
