Ginbawian sang kabuhi ang isa ka daycare worker matapos nabungguan sang motorsiklo ang ginasakyan sini nga tricycle sa Brgy. Panian, Balasan, Iloilo.
Ang biktima amo si Salvie Castillo Cose nga residente sang Tabu-an, Estancia.
Ang driver naman sang motorsiklo nga nagbunggo amo si Jogie Ernacio Berduria, 18 anyos sang Purok 1, Brgy. Pani-an, Balasan.
Gindala pa sa ospital ang biktima apang gindeklarar nga dead on arrival.
Yara naman sa hilway nga kondisyon ang iban nga pa involved sa aksidente nga sanday Lavelyn Osal nga driver sang tricycle; pasahero nga si Heney Damaso Barbacion, 60 anyos, sang Barangay Villa Pani-an Estancia, Iloilo; kag alyas Rico nga angkas sang motorsiklo.
Sa interview sang Bombo Radyo kay Police Master Sergeant Alan Elambre, imbestigador sang Balasan Municipal Police Station, iya ginpahayag nga base sa imbestigasyon, nagasunod ang motorsiko sang nabungguan sini ang tricycle sa iya unahan kag naigo ang mga pasahero nga yara sa backrider kag nahulog ang mga ini.
Nagtupa gid ang ulo sang biktima sa semento nga gintunaan sang iya kamatayon.
Arestado naman ang driver sang motorsiklo magapangatubang sang reklamo nga Reckless Imprudence Resulting to Homicide and Damage to Property.
