Gin-athag sang Department of Budget and Management (DBM) nga ang P160 billion nga pondo nga gin-tag nga “For Later Release” ang wala gin-hold sang ahensya.
Ang nasambit nga pondo ang natalana para sa imprastraktura kag sa social amelioration programs.
Ang ini nga pagpaathag sang DBM ang kasunod sang pagkwestyon sang mga mamalidha sa pag-tag sa nasambit nga pondo bilang “For Later Release” nga mahimo kuntani magamit agud maghulag man ang ekonomiya sang pungsod.
Base sa latest data halin sa ahensya, nagapakita nga ang P3.8 trillion sang P4 trillion sa 2021 budget ang napaguwa na sang Hunyo 30 sa diin kabaylo ini sa 85.1% sang national budget subong nga tuig.
