Nagakabudlayan ang Department of Budget and Management (DBM) sa pagpangita sang kuhaan sang P13 billion nga gin-request sang Department of Health (DOH) nga amo ang maga-cover sa meal, accommodation kag transportation allowances sang health workers.
Suno kay DBM Undersecretary Tina Rose Marie Canda, ang allowance para sa pagkaon, akomodasyon kag transportasyon sang mga health worers ang dapat nga i-charge sa pondo sang DOH bangud ini ang nasaad sa approval nga naghalin sa Office of the President.
Apang pahayag niya, tuman ka dako ang kinahanglan nga pondo rason nga mabudlay ini i-akomodar sa budget sang DOH.
Nahibaluan nga nag-release sang dugang nga P311 million ang DBM para sa COVID-19 special risk allowance (SRA) sang mga health workers.
