BELISON, ANTIQUE – Nagdangat na sa tatlo ka mga biktima ang patay sa matapos maaksidente ang isa ka de-pampasahero nga jeep sa Barangay Rombang, Belison, Antique.
Ang mga napatay amo sanday Jay Marvin Leona, 27 anyos, sang Bugasong, Antique kag isa ka konduktor; kag duha ka mga pasahero nga sanday Elma Lorenzo sang Sabang West, Bugasong, Antique kag Glenn Adenic, 46 anyos sang San Mateo, Rizal.
Sa interview sang Bombo Radyo kay Police Lieutenant Haidee Sobrino, Officer-in-charge sang Belison Municipal Police Station, iya ginpahayag nga gintinguhaan kun tani sang driver nga likawan ang motorsiklo sa diin nakabunggo sa poste ang jeep.
Ginapahayag man nga madasig ang pagpadalagan sang salakyan.
Suno kay Sobrino, kabug-osan nga 15 tanan ang sakay sang jeep lakip na ang tatlo ka mga napatay.
Sa subong, padayon pa nga gina-imbestihan sang mga otoridad ang rason sa nasambit nga aksidente.
