OSLO,NORWAY– Mahuyugon ka bala nga magpasakop sa mga kompetisyon?
Sarang mo bala nga itaya ang imo kabuhi makuha lang ang kadalag-an?
Kun huo ang sabat mo para gid sa imo ang pinasahi nga kompetisyon nga ginapatigayon sa Norway.
Ini ang ginatawag nila nga Death Diving world championship nga ginapatigayon kada tuig sa Norway.
Agud magdaog sa nasambit nga kompetisyon kinahanglan mo lang maglumpat sa isa ka diving board nga may yara sang kataason nga 10-meters.
Kun luyag mo magpasikat mahimo man nga maka perform ka anay sang mga acrobratic tricks bag-o ka maglumpat sa pool.
Ang Death Diving world championship na imbento sang 1960’s sa Oslo, Norway kun sa diin ang una nga nangin katuyuan sang kompetisyon amo ang magpasikat ang mga kalalakihan sa mga kababaihan paagi sa paglumpat sa tuman ka taas nga diving board.
Sa subong isa na ang Death Diving sa pinaka sikat nga kompetisyon sa Norway.
