CHINA – Patay ang 10 ka tawo samtang 23 pa ang natrap matapos nga nag collapse ang isa ka hotel nga ginagamit coronavirus quarantine facility sa Quanzhou, China.
Una na nga ginpahayag sang Chinese officials nga 71 ka tao ang na-trap matapos nga marumpag ang seven-story nga hotel.
Sa subong, padayon pa nga ginarescue sang mga otoridad ang iban pa nga natrap sa sulod sang hotel.
48 ka tawo na ang narescue sa building sa diin 38 sa ila ang gilayon nga ginpadangat sa ospital.
Suno sa Ministry of Emergency Management sang China, yara sa 200 ka local kag 800 ka Fujian Province firefighters na ang ginpadala sa lugar kaupod ang 11 ka search and rescue teams.
Nagpasalig naman ang mga otoridad sa Quangzhou nga may mga naka deploy na nga mga ambulansya, excavator kag cranes sa site agud mas mapadasig ang pagrescue sa mga biktima.
