Nagsaka na sa siyam ang numero sang kumpirmado nga napatay matapos nag-collapse ang apartment tower sa Surfside, Florida, USA.
Isa diri ang ginbawian sang kabuhi sa ospital samtang walo naman ka bangkay ang narecover gikan sa lugar kun diin narumpag ang building.
Suno kay Miami-Dade County mayor Daniella Levine Cava, sa siyam nga casualties, apat pa lang ang may identity kag napahibalo na sa pamilya.
Masobra pa sa 150 ka tawo ang padayon nga ginapangita apisar tatlo ka adlaw na ang nagligad sang nagcollapse ang high-rise building.
Nagalaum sa gihapon ang local officials nga may mga survivors pa nga natabunan lang sang mga debris.
Nagapadayon man ang imbestigasyon sa rason sang pagkarumpag sang apartment tower.
