Nagsaka na sa 188 ang numero sang mga napatay kag 150 ang padayon pa nga ginapangita sang mga otoridad matapos ang natabo nga pagbaha sa nagkalain-lain nga mga lugar sa Western Europe.
Suno kay Bombo International Correspondent Aimee Andaya Hilger, direkta sa North Rhine-Westphalia, Germany, 132 na ang kumpirmado nga napatay, kag 766 ang pilason sa Rhineland-Palatinate region nga amo ang pinaka-naapektuhan sang storm surge.
Kasunod sang padayon nga pagsaka sang death toll pahayag ni Hilger, isa sa dako nga problema sang kadam-an amo ang warning system sang nasambit nga pungsod sa diin ginadumilan ang pagtunog sang sirena kag sa baylo, ginapadal-an na lamang ang tanan sang text message kun may yara sang posibilidad sang pagbaha.
Sa iban nga mga lugar nga nagkala-utdan sang kuryente, ginakadtuan sang mga volunteer ang pila ka mga balay agud mapahanumdom ang mga pumuluyo sang safety measures nga nagakadapat himuon angot sa malain nga panahon.
Nahibaluan nga ang pagpahuni sang sirena ang ginapahayag nagatuga sang trauma sang mga German angot sa natabo sa Nazi era.
