Narekober sang Philippine Coast Guard (PCG) ang debris sang rocket nga may marka sang People’s Republic of China (PRC) sa baybay sang Sitio Gunting, Barangay Bonbon kag Lubang, Looc, Occidental Mindoro sang Agosto 14, 2025.
Suno sa PCG, isa ka lokal nga mangingisda ang nakakita sang nagalutaw nga debris kag gilayon ini nga ginsugid sa Philippine National Police-Maritime Group.
Nagbuligay dayon ang Coast Guard Sub-Station Lubang, Barangay Binacas, kag Provincial Disaster Risk Reduction and Management Office Lubang Sub-Office sa pagkuha sang debris.
Ginakabig nga parte ini sang Long March 7A rocket launch sang PRC sang Hulyo 15 tubtob 17, 2025.
Ang debris may kalaparon nga 10 ka tiil kag kahalabaon nga 14 feet, himo sa alloy, kag may bandera sang China.
Ginbutang na ini sa Sitio Balaguin, Barangay Maliig para sa husto nga pagdumala.
Ginapahanumdom sang PCG ang mga mangingisda kag pumuluyo sa baybayon nga kun may makita sila nga kaduluda nga butang sa dagat, ipahibalo dayon sa pinakamalapit nga estasyon sang Coast Guard.
