Ginkumpirmar ni Vice Governor Nathalie Ann Debuque nga indi na mag-apelar si Atty. Henida Genise matapos nga gin-invalidate sang Civil Service Commission (CSC) ang iya appointment bilang Secretary sang Sangguniang Panlalawigan sang Iloilo.
Sa desisyon sang CSC, ang appointment nakalapas sa Section 112 kag Section 107(f), Rule XI sang 2017 ORAOHRA (Omnibus Rules on Appointments and Other Human Resource Actions), kag nagabayular man sang Civil Service Law, Local Government Code (RA 7160), Publication Law (RA 7041), Omnibus Election Code (BP 881), kag sa Board/Bar requirements.
Nabaton sang SP kag ni Atty. Genise ang desisyon sang Disyembre 3 , kun sa diin,may yara siya sang 15 ka adlaw para mag-apelar.
Apang personal niya ginpahibalo kay Debuque nga indi na siya magpadayon.
Suno kay Debuque, preparado ang organizational structure sang 15th SP nga magdumala sang transition kag ila respetuhon ang ruling sang CSC.
Ginpabutyag man sini nga prayoridad sang SP subong ang pagtapos sang nabilin nga ordinansa kag pag-atender sang mga hilingagawon nga ginpadala sang executive branch.
Matandaan nga gin-appoint ni anay Vice Governor Christine Garin si Atty. Genise sang Hunyo 2 sini nga tuig.
