ILOILO CITY- Gin-ako ni Iloilo City Mayor Jerry Treñas nga apektado ang decision- making sang syudad angot sa COVID-19 bangud sa tuman ka delay nga pagpagwa sang resulta sang Reverse Transcription Polymerase Chain reaction (RT-PCR) test.
Sa interview sang Bombo Radyo Iloilo kay Mayor Treñas, iya ginpahayag nga pan-us na ang ginapagwa nga data sang Department of Health bangud nagalab-ot sa 10 tubtob 12 ka adlaw pa gina-release ang resulta sang RT-PCR test.
Suno kay Treñas, bangud sini, delayed man ang pagpagwa sang desisyon sang syudad.
Kaangot sini, ginpahayag man sang alkalde nga mangin siya ang wala na nakahibalo kun ano gid ang matuod nga sitwasyon sang COVID-19 cases sa syudad.
