Nagpatigayon sang declogging kag flushing ang Iloilo City General Services Office (GSO) kag mga pumuluyo sa temporary kiosk sang pila ka merkado sa syudad.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga ang tikang agud malikawan ang mabaho kag mahigko nga merkado ilabi na subong nga tig-ilinit.
Suno kay Ravena, ang declogging ang isa man ka palaagyan agud nga mangin matalunsay ang flow sang tubig sa mga drainage sang merkado.
Ginpahayag man sini nga nagpanugyan sila sa mga vendors nga i-separar ang mga basura ilabi na sa pagpanglimpyo sang isda kag iban pa.
Nagpasalig man ang natungdan sang regular nga inspection sa lugar agud nga mapabilin ini nga malimpyo.
