ILOILO CITY – Wala ginpaslaw sang defending champion nga Tribu Ilonganon sang Jalandoni Memorial National High School ang mga tumalan-aw bangud sa ila maayo nga performance.
Nakakuha sang 9 kag 7 nga score ang Tribu Ilonganon gikan sa director kag choreographer nga si Novy Bereber kag Cultural Works specialist nga si Joseph William Albania.
Sa pagpaatahg ni Bereber, isa ka maayo nga halimbawa sang 360 degrees performance ang ginpakita sang ika-tatlo nga tribu kag pino ang pag-ilis sang costume sang mga warrior.
Gindayaw man ni Bereber ang maayo nga music kag konsepto sang Tribu Ilonganon.
Samtang, ginpahayag naman ni Albania nga mataas ang energy sang mga warrior sang Tribu Ilonganon.
Suno kay Albania, naggamit sang colorful costume kag props ang tribu kag indi masakit sa panulukan apang kasubong nga may yara sang kulang.
Magluwas diri, ginpahayag ni Albania nga mahapos hangpon ang performance sang tribu.
