Nagtrending sa social media ang #DefendLizaSoberano matapos naglapta ang mga vlogs nga gina-angot ang aktres sa rebelde nga grupo.
Nagtuga ang mga akusasyon batuk kay Liza matapos nga nagpartisipar ini sa webinar nga gin-organisa sang Gabriela Youth sa diin iya ginpanawagan nga mangin bukas kag maghambal tuhoy sa mga isyu nga nagaapekto sa mga kababaihan kag kabataan.
Isa ka twitter user ang nagpakigbahin sang screenshot sang isa ka vlog sa diin makit-an ang laragway ni Liza nga ginbutangan sang logo sang New People’s Army kag bandana.
Pahayag sang netizen, isa ini ka sahi sang redtagging.
Gindepensahan man ni Ogie Diaz ang aktres kag ginsabat ang alegasyon sang ginkilala nga si Maui Becker nga amo ang naghimo sang vlog.
Panugyan ni Ogie kay Becker, antes mag redtag, dapat nga magpa check-up anay ini sang iya ubo kag pagpalangatol sang tuntunlan kag mag pa swab test na lamang.
