Nagpangayo sang pasaylo sa impeachment court si Defense Counsel Atty. Mark Vinluan.
Sa iya manifestation sa pagpadayon sang cross-examination sa prosecution witness nga si Anti-Money Laundering Council (AMLC) Executive Director Atty. Ronel Buenaventura, gin-athag ni Vinluan nga sa iya pagbasa sang porsyon sang layi sa iya cross-examination kahapon, indi sini intensyon nga magpamahog sa sin-o man nga myembro sang Senate impeachment court.
Matandaan nga ginsita kahapon ni Senator-judge Raffy Tulfo ang mga pahayag sang depensa nga kaangay nga nagaintimidar sa testigo kag sa korte.
Sa ulihi nga bahin naman sang manifestation ni Vinluan, ginpasalamatan sini si Senator-judge Lito Lapid nga suno sa iya, mabuot para sa Depensa.
Nagpasalamat pa gid ini kay Lapid para sa maja blanca.
