Makabig nga isa ka criminal act ang pagpugong sang China sa resupply mission sang Pilipinas sa Ayungin shoal.
Ini ang ginpahayag ni Defense Secretary Gibo Teodoro base sa nangin report sang National Task Force for the West Philippine Sea matapos nga ginpauntat sang mga barko sang China ang routine mission sang Philippine Navy kag Philippine Coast Guard sang Huwebes, Setyembre 24.
Sa ginpaguwa nga statement sang Chinese Embassy Manila, nanindugan naman ang mga ini nga nagpatigayon lang sila sang onsite monitoring sa lugar kun sa diin Pilipinas pa kuno ang naglapas sa layi ilabi na nga naglapaw ang mga ini kag nagpadulong sa ila teritoryo.
Ginkontra man ini ni PCG Spokesperson for the West Philippine Sea Jay Tarriela kag ginkwestyon ang China kun san-o ang mga ini nakakuha sang ila kinamatarong sa Ayungin Shoal.
Madumduman nga sang Setyembre 18, ginbungguan sang China ang barko sang Bureau of Fisheries and Aquatic Resources (BFAR) sa Palawan nga nagapatigayon sang fuel subsidy mission para sa mga manugpangisda.
