Gin-kwestyon sang kampo sang depensa ang isa ka dokumento nga ginpresentar sang prosecution panel sa Senate Impeachment Court.
Ini matapos manutesyaran sang kampo nga may ara sang bahin nga wala sa original copy.
Suno kay defense lawyer Mark Vinluan, kaangay nga “cropped” ukon utod ang dokumento nga ginpakita sang prosecution sa screen sang impeachment court.
Suno pa kay Vinluan nga wala ang kumpleto nga bahin sang dokumento nga ginpakita sang prosecution bangud nadula ang isa nga annotation nga makita sa original nga copy.
Ginsasay sang abogado nga bag-o ang petsa sa original nga dokumento, may nakabutang nga ”strictly confidential” nga gina-alegar indi na nga makit-an sa dokumento nga ginpakita sang prosecution.
Ginpunto man ni Vinluan nga dapat mangin kumpleto kag klaro sa impeachment court ang presentasyon sang mga dokumento nga ginagamit sa bahin sang ebidensya.
