Hugot nga ginpanginwala sang defense team ni anay Presidente Rodrigo Duterte ang listahan nga ginpagwa sang International Criminal Court (ICC) nga nagabuyagyag sang ginapahayag “co-perpetrators” sa kaso niya nga ‘crimes against humanity.”
Suno kay Atty. Nicholas Kaufman, lead counsel ni Duterte, ginakabig sini nga “sensational” kag “politically motivated” ang amo nga listahan.
Nahibaluan nga naulamid sa amo nga listahan ang mga senador nga sanday Ronald “Bato” dela Rosa kag Christopher Lawrence “Bong” Go, mga anay opisyal sang pulisya, anay direktor sang NBI nga si Dante Gierran, kag anay Justice Secretary Vitaliano Aguirre II.
Sa isa man ka pahayag, ginpanginwala ni Senator Bong Go ang amo nga alegasyon kag gintawag ini nga “baseless.”
Sa karun, gin-schedule sang ICC ang confirmation of charges hearing ni Duterte umpisa Pebrero 23, 2026, matapos ang 11 ka bulan nga pagkabilanggo niya sa korte.
![Pinterest](https://pinterest.com/pin/create/button/?url=https://iloilo.bomboradyo.com/defense-team-ni-anay-presidente-duterte-hugot-nga-ginpanginwala-ang-co-perpetrators-nga-listahan-sang-icc/&media=https://img.bomboradyo.com/iloilo/2026/01/kaufman-and-duterte.webp&description=-Defense team ni anay Presidente Rodrigo Duterte, hugot nga ginpanginwala ang listahan nga ginpagwa sangICC nga nagabuyagyag sang ginapahayag “co-perpetrators” sa kaso nga ‘crimes against humanity"){kind=link}