Sa tunga sang nagatunog nga wangal sang mga commuters kag sang nagatunog man nga apelar sang transport groups halin sa probinsya sang Iloilo kasunod sang pagpatuman sang Local Public Transport Route Plan (LPTRP) sa Iloilo City, nagsabat si Iloilo Governor Arthur Defensor, Jr. nga indi basta-basta nga makapa-hilabot ang probinsya sang Iloilo bangud separado ini nga local government.
Suno kay Defensor, may yara man sang separado nga transport plan ang provincial government nga pending sa approval sang Department of Transportation (DOTr).
Pahayag sang gobernador, dapat nga “hatagan tyansa” kag “respetuhon” ang plano sang separado nga LGU.
Gindugang pa sini nga tanan nga meetings ang ginatambungan gid sang provincial government kag regular man ang istoryahanay sandig sa nakit-an nga mga problema.
Suno pa sa natungdan, nabasa niya kag nahangpan niya nga yara pa ang Local Public Transport Route Plan (LPTRP) sa six months trial period gani dapat anay hatagan sang ligwa ang city government agud nga maka-adjust.
