Sa subong nga panahon sang tag-ululan indi malikawan ang asod-asod nga pagbrownout sa diin may mga bes nga sa tunga sang kagab-ihon ukon kaagahon, nagapaligo kita sang balhas kun mag-ala sauna ang aton puluy-an bangud patay ang electric fan ukon ang aircon.
Suno sa mga eksperto, healthy ang pag-release sang balhas sa aton nga lawas ilabi na kun naga-ehersisyo bangud naga-promote ini sang cardiovascular health.
Apang kun ano ka-importante ang pagpabalhas para sa ikaayong lawas, amo man ang pag-counteract sang fluid loss.
Suno kay Sarah Rautio, Consumer Horticulture Educator sa Michigan State University, pat-od nga dako ang mahatag nga benepisyo sang pagpabalhas kun naga-ehersisyo apang kun indi ma-counteract ang fluid loss, mangin tunaan ini sang nausea kag pagkalingin sang ulo tuga sang dehydration.
Agud mapabilin nga dehydrated ang lawas, yari ang pila ka mga panugyan sang eksperto:
- Masami nga mag-inom sang tubig sa sulod sang isa ka-adlaw kag indi lamang kun gina-uhaw;
- Likawan ang pag-inom sang caffeinated kag alcoholic drinks nga amo ang nagapadugang sa epekto sang dehydration;
- Likawan ang masami nga pag-inom sang tuman ka tam-is nga fruit juice; kag
- Magkaon sang mga pagkaon nga manggaranon sa electrolytes kag may 300mg sang potassium per serving kaangay sang isda, gatas, yogurt, utan, sweet potatoes, avocados, mangoes, pomegranates kag saging
