Iloilo City – Ginpasigurado sang Tribe Manager sang Tribu Parianon nga indi maghinulsol ang mga magalantaw sang performance sang tribu sa Dinagyang Festival 2023.
Sa interview sang Bombo Radyo kay Ramil Huyatid, choreographer sang nasambit nga tribu, iya ginpahayag nga dekalidad nga presentasyon ang igadul-ong sang tribu bangud halos kumpleto na ang preparasyon sini.
Suno kay Huyatid, lain ang Dinagyang subong nga tuig bangud ang presentasyon ang magasentro sa saot kag hulag sang mga dancers kag ginkakas na ang kinaandan nga mga dalagkuan nga risers kag panels.
Nagapati man ang natungdan nga importante ang “motivation”, “self confidence” kag “passion” sa pag-perform.
May yara sang 50 warriors/dancers kag 50 drummers ang Tribu Parianon.
Maga-compete ini nga tribu sa Barangay Tribes Competition sa Enero 22, kaupod ang pito ka mga competing tribes sa syudad sang Iloilo.
