ILOILO CITY – Ginkalipay man ni Sen. Franklin Drilon ang deklarasyon ni Presidente Rodrigo Duterte nga indi na madata ang iligal nga droga sa Iloilo.
Sa interview sang Bombo Radyo, ginpahayag sang senador nga makapaayo sa siyudad sang Iloilo ang deklarasyon nga ini ni Duterte.
Nagapakita lang ini suno kay Drilon nga nagapanikasog ang local government unit nga matapna ang illegal drugs.
Ginkalipay man sang senador nga wala sang anuman nga kaso nga ginpasaka batok kay Iloilo City Mayor Jed Patrick Mabilog nga iya himata, apisar nga ginhingadlan ini sadto sang Presidente nga drug protector.
Madumduman nga sa iya speech sang damlag lang, ginpahayag ni Presidente Duterte nga indi na “hot bed” sang illegal drugs ang Iloilo, kabaliskaran sang bansag sini sadto sa Iloilo City nga “shabulized city” kag “bedrock of illegal drugs”.