Wala nakapugong si Iloilo City Councilor Nene Dela Llana sa iya balatyagon batok kay Iloilo PICAO Head Nereo Lujan.
Sa interview sang Bombo Radyo kay Dela Llana, iya ginpahayag nga subong pa nagbinastos si Lujan nga tigulang na ini.
May kaangtanan ini sa mga social media posts ni Lujan batok sa Iloilo City Government kag kay Mayor Raisa Treñas.
Nagpangabay man ang konsehal kay Iloilo Governor Arthur Defensor Jr. nga disiplinahon si Lujan bangud ginaguba sini ang imahe sa kapitolyo.
